Main Rakt Bahau kisi hindu Ka...

Main rakt bahau kisi hindu Ka ya Katl karu kisi musalman Ka,
hain toh lahu meri Bharat mata ki Santan ka, 

Main murti puju kisi devata ki ya rakhu irada namaaz ka,
mandir todu ya Gumbat kisi masjid Ka, 

aakhir eit aur patthar toh hai mere Hindustan Ka,

Main deen mein lau kisi acchut ko,
banau khrsti kisi van vaasi ko,
Ya Hindu banau kisi muslman ko,
Main zanda hee toh rang raha hu, 

Akhir kapda hee toh hai mere Hindustan Ka,

Hindu kaatu ya kaatu kisi muslman ko, 

lahu se laal  angan jo hoga woh fir bhi hoga mere Hindustan Ka.

Main Janeu pehnau kisi balak ko,
Ya karu sunnat kisi bacche ki,
Woh laal toh fir bhi hoga sipahi mere Hindustan Ka,

Main rakt bahau Gita ke liye, ya chidku lahu Quran pe,
Main bichha Du gau Maas ko Mandiro ke garbh mein,
Ya varah Ka khoon bahau Masjido ki minar pe,

Main kahu devatao ka rup Shaitan Ka,
Aur manu ke Paigambar hai farishta khuda Ka,
Main kahu Islam ko dharma atank Ka,
Aur Hindutva bodh Manav Sanskriti Ka,
Main Jo bhi kahu, chahe rakt bahau ya lahu,
garbh mein basi murti todu ya todu gumbat kisi masjid ki,
War Hindu pe ya musalman pe karu,
Khoon se junjh Jo uthega aangan,
Rakth mein bahegi Jo sangeet ki ansuni sargam,
Agni ke tandav mein Jo bhasm hoga is sundar srishti Ka Jeevan,
Woh kabhi toh Akbar Shivaji Pratap ke naam se khushali se panapa tha,
kyuki Itihas hai iske piche mere Hindustan Ka,

Woh Aryavart se bani Bharat Bhoomi, Bharat bana Hindustan, 

Hindustan rang laya India mein, 

shatako pidhiyon ke itihas ko garbh mein liye, 

kya kisine dekha hai, 

raat ke andhero mein Dil Aaj bhi rota hai mere Hindustan Ka.

Kaat Kar Angrez Burma Le gaye, Koi Afghan toh Koi Pakistan Banaa gaye,
Kashmir ke tukdo ke liye kya ladhate ho,
Main Hindustan hu, Meri kokh mein Kashyap se leke Isa Kho gaye, 

Woh paigambar bhi aye the yaha mujhe Akbar ke rup mein Chain-o-aman ka Islam De gaye,
Main Dharti hu,

Mujhme toh Khilji Gazni Mit gaye,
Yaha Ram Chale hain, tum do chaar ko kya Hindu musalman bana rahein ho,
Hasti nahi tum inasano ki Hindu rashtra ya Musalmano ki sultanate banae ki,
Main Dharti hu, murkho, meri kok mein toh Isa Paigambar aur Ram bhi Samdhi mein leen ho gaye..!